زلابيه ولا لقمه القاضي دي أحلى...

 

لا زلابيه ولا لقمه القاضي دي أحلى...

كرات السينابون (سينابون بايتس) 🤎☕

حاجة حلوة قوي، طعمها تحفة وسهلة وسريعة… تنفع مع القهوة أو الشاي وتفرح أي حد 😍🥟

المقادير:

نص كوب حليب دافي

بيضة

معلقة كبيرة سكر

معلقة كبيرة خميرة فورية

معلقة كبيرة زبدة سايحة

٢ كوب دقيق

رشة ملح

زيت للقلي

للتغميس:

شوكولاتة سايحة

سكر + قرفة

الطريقة:

في بولة نحط الحليب الدافي مع الخميرة والسكر ونقلبهم ونسيبهم شوية لحد ما الخميرة تفور.

نضيف البيضة والزبدة السايحة ونقلب كويس.

ننزل بالدقيق بالتدريج مع رشة الملح ونعجن لحد ما العجينة تبقى ناعمة وطريّة ومش بتلزق في الإيد.

نغطي العجينة ونسيبها تخمر ساعة.

بعد ما تخمر نكور العجينة كور صغيرة متساوية ونرصّهم في صينية على ورق زبدة ونغطيهم ربع ساعة يخمروا تاني.

نسخّن الزيت ونقلي الكرات لحد ما تبقى دهبي جميل، نطلعهم على ورق مطبخ ونسيبهم يبردوا.

وممكن ندخلهم فرن ساخن حرارة ١٨٠ لمدة ١٥ دقيقة

آخر خطوة بقى… نغمّسهم في شوكولاتة سايحة أو نرُش عليهم سكر وقرفة 👌

تتقدّم سخنة أو دافية وصحة وهنا على قلبكم 😋🤎

جربوها وقولولي رأيكم ❤️

وصلوا على النبي