الكنافة بالقشطة طعمها خطير جربوها بالطريقه دي 😋

 الكنافة بالقشطة طعمها خطير جربوها بالطريقه دي 😋

المقادير:

للكنافة:

نص كيلو كنافة تكون في الفريزر ومكسرة).

كوباية سمنة بلدي سايحة دي سر الطعم).

2 ملعقة كبيرة سكر بودرة.

للقشطة الكدابة:

2 كوباية حليب (لبن).

4 معالق كبيرة نشا.

علبة قشطة جاهزة (اختياري).

للشربات (القطر):

2 كوباية سكر.

كوباية مية.

عصير نص ليمونة.

الطريقة:

الشربات: اخلطي المية والسكر وسيبيهم يغلوا. أول ما يغلي ضيفي الليمون وسيبيه يغلي 8 دقايق بالظبط واطفي.

الشربات يكون تقيل وبارد.

القشطة: اخلطي الحليب والنشا على البارد وبعدين ارفعيها على النار وقلبي لحد ما يتقل ويبقى زي المهلبية طفي وحطي علبة القشطة وقلبيها وسبيها تبرد.

الكنافة افركي الكنافة كويس بالسمنة السايحة والسكر البودرة لحد ما كل خصلة تتغلف بالسمنة. فال

التجميع في صينية مدهونة سمنة، حطي نص كمية الكنافة واضغطي عليها جامد جداً بكعب كوباية أو بصينية أصغر. حطي طبقة القشطة، وسيبي مسافة من الحواف عشان متتحرقش. حطي باقي الكنافة واضغطي بالراحة.

الخبز دخليها فرن سخن على درجة حرارة 180°C لحد ما الحواف تبقى دهبي غامق. طلعيها واقلبيها وكملي تحمير للوش التاني.

التشريب وهي سخنة مولعة، صبي عليها الشربات البارد. سيبها تهدى شوية وقطعيها. أحلى كنافة دي ولا إيه!

صلوا على الحبيب المصطفى