كيكه الزبادى الهشه الطريه
المقادير....
3 كوب دقيق فاخر او متعدد الإستعمال 375 جرام
3 معالق صغيرة بيكنج بودر 15 جرام
رشة ملح 1 جرام
5 حبات بيض
معلقة صغيرة فانيليا
معلقة صغيرة خل 5 جرام
بشر ليمونة ناخد القشره الصفراء بس
كوب ونصف سكر 300 جرام
كوب زيت 200 جرام
كوب زبادي بحرارة الغرفة 236 جرام
الطريقه...
نخلط الكونات الجافه الدقيق ورشه الملح والبيكنج بودر وننخلهم كويس جدا
فى بوله نضرب البيض والفانيليا ومعلقه الخل كويس لحد مالون البيض يفتح ويعلى ننزل بالسكر وحده وحده واحنا مستمرين فى الضرب وبعدين نضيف الزيت براحه واخير علبه الزبادى ونكمل ضرب المكونات السايله
واخير. نضيف الدقيق على مرات ونقلب براحه
صنيه مدهونه زبده ومبطنه بدقيق مقاس ٣٠ ارتفاع٥ سم
او قالب مقاس ٣٣ ارتفاع ٧سم ونصب الخليط فى الصنيه وندخلها فرن سخن على حراره ١٨٠ تقعد حوالى ٤٠دقيقه او حسب ماتختبريه وتكون استوت..
تعليقات
إرسال تعليق