بشرى سارة من هيئة الاتصالات الى كافة المواطنين

 هيئة الاتصالات تطلق مشروع نقل الأرقام بين الشبكات مع الاحتفاظ يعني رقمك 078-077-079 بتقدر تشغله على اي شبكة بدك ياها 💪

خليني أبسطلك ياها 👇

حاليًا:

الرقم الأردني مربوط بالشبكة حسب البداية:

079 = أورنج

078 = زين

077 = أمنية

يعني إذا معك رقم 079 هو تلقائيًا أورنج وما بشتغل إلا على شبكة أورنج.

المشروع الجديد (نقل الأرقام مع الاحتفاظ بها):

راح يصير بإمكانك تحول خطك من شبكة لشبكة ثانية وتظل محتفظ بنفس الرقم بدون ما يتغير.

مثال:

معك خط 079 زين، مش عاجبك العرض، بتروح على زين أو أمنية. بتحول الرقم عندهم، والرقم بضل 079 نفسه.

الناس بتضل تتصل عليك على نفس الرقم بدون ما يعرفوا إنك غيرت الشبكة.

🔑 الفكرة:

الرقم ما عاد محصور باسم الشبكة تبع بدايته (077/078/079).

إنت حر تختار الشبكة اللي بدك إياها والعروض اللي تناسبك، بدون ما تخسر رقمك اللي الكل حافظه.