تحضير بسبوسه طيبة جدا

 بسبوسة❤😍😍

مقادير البسبوسة 

4بيض 

كاس سكر

كاس زيت

كاس حليب

زوج كيسان ونص سميد متوسط تقدر تدي حتى 3،رشة ملح

ملعقة صغيرة فاني 

2أكياس خميرة كيميائية 

و قشور حبة قارص

نص كاس كوكاو مرحي(تقدري تستغناي عليه) 

في وعاء نحط البيض و السكر و نخلط مليح حتى يتغير اللون و يرجع الخليط كريمي نضيف الزيت نضيفو بشوية وبقاو خلطو +الحليب + قشور القارص و فاني و نخلط و نضيف سميد+ الخميرة الكيميائية و نحرك حتى يتجانس الخليط مليح 

ندهن صينية مليح باالزيت و نفرغ الخليط فيها و ندخلها الفرن لازم تشعلوه من قبل 

ملاحظة : إذا حبيتو تديروها في قوالب منفردة ماتعمروش القوالب نتاعكم ديرو نصف فقط في كل قالب

وصفة العسل

3كيسان سكر دوبيهم على نار قليلة كي تشوفوه بدا يدوب،ماشي يدوب كامل كيما لكرمال ،زيدو 3كيسان و نص ماء وخليه فوق النار كي يبدي يعقد طفي عليه ❤

ملاحظة: متخلوش الفرن يسخن بزاااف باش كي تحطوها متطلعش وتهبطلكم

2:كي تشوفوها حمارت على الجانب شعلو عليه من فوق، وكي تخرجوها حطو عليها العسل لي يكون خدمناه من قبل وبارد تماما